Sumqayıtda “Sənaye müəssisələrində yanğın təhlükəsizliyi” mövzusunda təlim keçirilib. Sumqayıt24 bu haqda 29 iyun tarixində Scip.az-a istinadən xəbər verir.
Yanğın-taktiki məşqlər Sumqayıt Kimya Sənaye Parkının rezidentləri üçün təşkil olunub. Məqsəd mümkün yanğınların söndürülməsi üzrə şəxsi heyətin bacarıqlarının gücləndirilməsi, yanğınlar zamanı ilkin davranış qaydaları barədə biliklərinin artırılması olub.
Burada Dövlət Yanğından Mühafizə Xidmətinin, Dövlət Yanğın Nəzarəti Xidmətinin, Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyinin və digər qurumların əməkdaşları iştirak ediblər. Əraziyə xüsusi təyinatlı texnikalar cəlb olunub.
