Sumqayıt Kimya Sənaye Parkının Peşə Təhsil Mərkəzində media-tur təşkil edilib. Tur, İqtisadiyyat Nazirliyinin təşkilatçılığı ilə baş tutub. Bu haqda AZƏRTAC-a istinadən xəbər veririk.
Mərkəzin direktoru Yadullah Babayev buraya gələn media nümayəndələrinə mərkəzin fəaliyyəti haqqında məlumat verib. O bildirib ki, müəssisə 6 korpusdan ibarətdir və burada 500 tələbə təhsil ala bilər. Korpuslarda 23 tədris otağı, 13 laboratoriya, kompüter otağı, kitabxana, akt zalı, yeməkxana, idman zalı və inzibati otaqlar var.
Daha sonra, KİV nümayəndələri burada yaradılan şərait, dərs prosesləri, laboratoriyalar və s. ilə tanış olublar. Həmçinin, “Park”ın rezidenti olan “Azertexnolayn” MMC-də tələbələrin keçirdikləri təlimləri izləyiblər. [modula id="7844"]
