Sumqayıtda qəbiristanlıqda baş vermiş “oğurluq” barədə rəsmi qurumdan açıqlama verilib. Bu məsələni Sumqayıt24 bir müddət əvvəl ictimailəşdirmişdi. Bu haqda Oxu.az-a istinadən xəbər veririk.
Sözügedən qəbiristanlıq 42-ci məhəllə adlanan ərazinin yaxınlığında yerləşir. Sosial şəbəkələrdə yayılmış məlumata görə, burada olan məzarlıqların dəmir qapıları naməlum şəxslər tərəfindən oğurlanıb.
Sumqayıt şəhər Vətəndaşlara Xidmət İdarəsinin rəisi Feyruz Əsədov bu məsələdən xəbərdar olduğunu bildirib. Əsədov qeyd edib ki, hadisə oğurluq deyildir. Qəbiristanlıqda cəmi bir məzarın dəmir qapısı yerindən çıxmışdır ki, o da artıq bərpa edilib. Əraziyə gündüz qarovulçular, axşam isə polis əməkdaşları nəzarət edir.
