Sumqayıtda fəaliyyət göstərən “Uğur” marketdə nöqsanlar aşkar edilib. Sumqayıt24 bu barədə 4 oktyabr tarixində Afsa.gov.az-a istinadən xəbər verir.
Qida Təhlükəsizliyi Agentliyinin əməkdaşları tərəfindən şəhər ərazisində qida sahəsində fəaliyyət göstərən müəssisələrdə monitorinqlər keçirilib. Nəticədə 48-ci məhəllədə yerləşən marketdə iki çatışmazlıq tapılıb. Bunlar obliqat qrupuna daxil olan işçilərin ilkin və dövri tibbi müayinədən keçməməsi və baytarlıq şəhadətnaməsi və ya arayışı olmayan heyvan mənşəli məhsulların qəbulu ilə bağlıdır.
Qanunvericiliyin tələblərinə uyğun müvafiq tədbirlər görülüb.
