Fövqəladə Hallar Nazirliyi (FHN) yanında yeni İctimai şuraya seçki keçirilib. Sumqayıt24 bu haqda 24 may tarixində xəbər verir.
Tədbirdə fövqəladə hallar nazirinin müavini, yeni İctimai şuranın seçki komissiyasının sədri Tapdıq Əmiraslanov iştirak edib.
Bildirilib ki, vətəndaş cəmiyyəti institutlarından şuraya üzv olmaq üçün 14 nəfərin namizədliyi təsdiq edilib. Seçici kimi iştirak etmək üçün isə həmin institutlardan qeydə alınmış 110 nəfər təmsilçidən seçkiyə 68-i qatılıb.
Yekunda İctimai şuranın tərkibi formalaşıb. Seçilmiş 14 namizəd arasında “Potensial” Sumqayıt mütəxəssislər birliyinin üzvü Sahib Fərzəliyevin də adı var.
