Sumqayıt Regional Mədəniyyət İdarəsində (RMİ) 2022-ci ilin ilk müşavirəsi keçirilib. Bu haqda RMİ məlumat yayıb.
İdarə rəisi Rəşad Əliyev, Mədəniyyət nazirliyinin müasir idarəetmə üsullarının və iqtisadi modellərinin tətbiqi, şəffaflıq və səmərəliliyin artırılması və insan kapitalının inkişaf etdirilməsi haqqında ətraflı bəhs edib.
Əliyev, cari ildən hər bir müəssisənin iş effektivliyinin Əsas Effektivlik Göstəriciləri (KPİ) üzrə dəyərləndiriləcəyini və qoyulmuş məqsədlərə hansı dərəcədə nail olunduğunu müvafiq meyarlar üzrə ölçüləcəyini bildirib.
Tədbirdə Sumqayıt Regional Mədəniyyət İdarəsinin əməkdaşları və müəssisə rəhbərləri iştirak ediblər.
