Sumqayıt şəhərində heyvanların identifikasiyası və qeydiyyatı davam etdirilir. Bu haqda bu gün, 6 yanvar tarixində Azərbaycan Respublikası Qida Təhlükəsizliyi Agentliyi (AQTA) məlumat yayıb.
Məlumata asasən, ötən ilin 15 dekabr tarixindən cari ilin 6 yanvar tarixinədək ailə-kəndli və fermer təsərrüfatlarında olan 260 iribuynuzlu heyvan identifikasiya olunaraq elektron sistemə daxil edilib. Burada həm təsərrüfatlar, həm də heyvanlar haqqında məlumatlar əlavə olunub.
Heyvanların identifikasiyası və qeydiyyat sistemi (HİQS) AQTA-nın təşkilatçılığı, Dünya Bankının dəstəyi ilə keçirilir.
Daha öncə, 5412 heyvan haqqında məlumatlar elektron sistemə daxil edilmişdir.
