Sumqayıtda zəncirvari qəza baş verib. Hadisə bu gün, 25 dekabr saat 08:00 radələrində H.Z. Tağıyev qəsəbəsindən şəhərə gələn yolda qeydə alınıb. Bu haqda Sumqayıt24-ün müxbiri xəbər verib.
Verilən məlumata görə, ilk öncə “VAZ” markalı avtomobil yolun kənarında olan dirəyə çırpılıb və sürücü sükan arxasında sıxılmış vəziyyətdə qalıb. Daha sonra, onun ardınca gələn sərnişinlərlə dolu 30 nömrəli avtobus öndə olan yük maşını ilə toqquşub. Yük maşını isə öz növbəsində “Mercedes” markalı avtomobilə dəyib.
Xəsarət alıb-almayanlarla bağlı hələ ki məlumat yoxdur.
Ötən gün Sumqayıtda daha bir qəza baş verib. Hadisə İcra Hakimiyyəti binasının yanında, Azərbaycan prospektində qeydə alınıb. Burada “Lada” markalı avtomobil “Mercedes” ilə toqquşub. Məlumata əsasən, xəsarət alan yoxdur.
Foto Sumqayıt24
