Sumqayıt şəhərində "STEAM texnologiyaları əsasında tədris prosesinin qurulması" mövzusunda ödənişsiz seminar təşkil olunacaq. Bu haqda bu gün, 11 yanvar tarixində Sumqayıt Gənclərin İnkişaf və Karyera Mərkəzi (GİKM) məlumat yayıb.
Seminar 15 yanvar saat 14:00-da Heydər Əliyev Mərkəzində keçiriləcək. Təlimçi qismində Ramil Süleymanov çıxış edəcək. Seminar 90 dəqiqə davam edəcək, sonda iştirakçılara sertifikat veriləcək.
Görüş Pedaqoq.az və Sumqayıt GİKM-nin birgə əməkdaşlığı ilə Sumqayıt şəhərində ödənişsiz təşkil olunacaq.
Ətraflı məlumat və qeydiyyat üçün (077) 498-02-21 nömrəsi ilə əlaqə saxlamaq olar.
