Ötən il Sumqayıtda 90%-ə yaxın abonent su sayğacı ilə təmin olunub. Bu haqda Xeberle.com-a istinadən xəbər veririk.
Sukanal İdarəsinin rəisi Xalid Quliyevin sözlərinə görə, 2021-ci il ərzində 112.614 əhali, 4687 isə qeyri-əhali kateqoriyasına aid abonentə xidmət göstərilib. Hazırda əhali üzrə 89,7%, yəni, 100.974 abonent sayğacla təmin olunub.
Həmçinin, o qeyd edib ki, idarənin öz imkanları hesabına məhəllədaxili su şəbəkələrində 2733,8 pm su xətti təmir edilib, 2626 pm su xətti isə yenisi ilə əvəz edilib. Bundan əlavə, 102 binanın zirzəmisində təmir işləri aparılıb.
