Bakı-Sumqayıt yolunda yaranan uzun tıxacın səbəbi açıqlanıb.
Sumqayit24.az xəbər verir ki, Daxili İşlər Nazirliyinin Nəqliyyatı İntellektual İdarəetmə Mərkəzi bununla bağlı məlumat yayıb. Bildirilib ki, paytaxtın Nərimanov rayonu, Ziya Bünyadov prospekti ilə Azadlıq prospektinin kəsişməsində (körpünün üzərində) təmir işləri aparılır:
"Bu səbəbdən prospektdən metronun "Koroğlu" stansiyası, Alı Mustafayev, Əbdülvahab Salamzadə küçələri, "20 Yanvar" dairəsi , Moskva və Tbilisi prospektləri, eləcə də Bakı-Sumqayıt şosesi, metronun "20 Yanvar" stansiyası istiqamətlərində sıxlıq müşahidə olunur.
Hazırda polis əməkdaşları tərəfindən müxtəlif istiqamətlər üzrə sıxlığın aradan qaldırılması üçün tədbirlər görülür".
