Sumqayıtda 13 yaşlı yeniyetmə itkin düşüb. Bu haqda 27 mart tarixində Sumqayıt24 Daxili İşlər Nazirliyinin Mətbuat Xidmətinə istinadən xəbər verir.
Nitq qüsurlu və eşitmə qabiliyyəti olmayan 13 yaşlı Ömər Yaqubov martın 25-də səhər saatlarında yaşadığı ünvandan çıxaraq bir daha geri qayıtmayıb. Evdən çıxarkən əynində qara rəngli gödəkçə, qara rəngli poliver, tünd göy rəngli şalvar, ayağında tünd göy rəngli idman ayaqqabısı olub.
Onun əlamətləri: Boyu 155 sm, arıq bədən quruluşlu, ağbəniz, sifəti uzunsov, saçı qısa və şabalıdı rəngli, gözləri qəhvəyidir.
Şəkildəki şəxsi görənlərdən və barəsində məlumatı olanlardan DİN-in "102 - Zəng Mərkəzi”nə, həmçinin (018) 65 4-02-02; (018) 65 5-76-65 şəhər və (050) 384-84-99 mobil nömrələrinə zəng vuraraq məlumat vermələri xahiş olunur.
