Sumqayıtda sakinlər 33 nömrəli marşrut xəttinin fəaliyyətindən narazıdırlar.
Sumqayit24.az xəbər verir ki, marşrut xətti 76-cı məhəllədən başlayaraq “Qəbiristanlıq” deyilən ərazidən hərəkət edir.
Redaksiyamıza müraciət edən vətəndaşların sözlərinə görə, həmin ərazi üçün yeganə marşrut olduğundan, sakinlər üçün böyük əhəmiyyət kəsb edir:
“Son dövrlərdə marşrutun fəaliyyəti ilə bağlı problemlər yaranıb. Əvvəllər 4-5 dəqiqə intervalla işləyən avtobuslar hazırda 30-35 dəqiqə fasilə ilə hərəkət edir. Bu gecikmələr səbəbindən işə gedənlər, məktəblilər və pensiyaçı vətəndaşlar çətinliklərlə üzləşirlər.
Problemin yaranma səbəbi marşrut sürücüləri və sahibkarlar arasında baş verən müəyyən narazılıqlardır. Bunun nəticəsində çox sayda sürücü işi tərk edib. Məsələ ilə bağlı şikayət etdikdə isə sürücülər rəhbərliyə müraciət etməyi məsləhət görürlər, lakin rəhbərliklə əlaqə saxlamaq mümkün olmur.”
