Sumqayıt şəhərinin Sülh küçəsi – BTZ yolu boyunca yerləşən qazon örtüyündə və gülzarlıqlarda növbəti abadlıq və qulluq işləri həyata keçirilib.
Sumqayit24.az xəbər verir ki, Sumqayıt şəhər Yaşıllaşdırma İdarəsinin əməkdaşları tərəfindən ərazidə qazon örtüyünün planlı şəkildə sulanması, həmçinin güllər arasında yaranan alaq otlarının təmizlənməsi işləri görülüb. Görülən tədbirlər nəticəsində yaşıllıq sahələrinin estetik görünüşü bərpa olunub, bitkilərin sağlam inkişafı üçün əlverişli şərait yaradılıb.
Sulanma prosesi günün səhər və axşam saatlarında, bitkilərin suya olan tələbatı nəzərə alınmaqla aparılıb. Bununla yanaşı, gül kolları və dekorativ bitkilər ətrafında torpaq yumşaldılıb, kök sisteminin hava alması təmin edilib.
Abadlıq tədbirləri çərçivəsində alaq otlarının təmizlənməsi ilə yanaşı, ərazidə zibillənmənin qarşısı alınıb, səliqə-sahman yaradılıb.
