Sumqayıtda əmək yarmarkası keçirilib.
Sumqayit24.az xəbər verir ki, tədbir “Hədəf Kursları”nın inzibati binasında baş tutub. Yarmarkada 20 müəssisə iştirak edib və ümumilikdə 120 boş iş yeri təqdim olunub. Vakansiyalardan 95-i peşə, 25-i isə ixtisas tələb edən sahələr üzrə olub. İş yerlərinin əməkhaqqı diapazonu 400 manatdan 1500 manata qədər dəyişib.
Təklif olunan vakansiyalar arasında çilingər, sürücü, operator, qənnadçı kimi peşələr, eləcə də satış təmsilçisi, inşaat mühəndisi, mühasib və digər ixtisaslar üzrə iş yerləri mövcud olub.
Tədbir Abşeron-Xızı Regional Məşğulluq Filialının dəstəyi və “Hədəf Şirkətlər Qrupu”nun təşəbbüsü ilə gerçəkləşib.
