Xəbər verdiyimiz kimi, Sumqayıtın 45-ci məhəlləsində 40-50 illik şam ağacları kökündən qırılaraq aşıb. Jurnalist Anar Xanlarov onların qəsdən aşırıldığını iddia etsə də, Şəhər İcra Hakimiyyəti bunu təkzib edib və son günlər müşahidə olunan intensiv yağıntılar nəticəsində torpaq qatının yumşalmasının ağacların aşma səbəbi olduğunu bildirib. Sumqayit24.az xəbər verir ki, açıqlamanın ardınca aşmış ağaclar ərazidən götürülüb və yerində 10-dan artıq fidan əkilib.
