Sumqayıtda fəaliyyət göstərən avtobuslardan biri ilə bağlı şikayət var.
Sumqayit24.az-a müraciət edən vətəndaşların sözlərinə görə, 30 nömrəli marşrut avtobuslarından birində ilk tibbi yardım çantasında zəruri tibbi ləvazimatları yoxdur.
Bu vəziyyət isə sərnişinlər arasında narahatlıq yaradıb.
"Xahiş edirəm ki, bu cür hallar aradan qaldırılsın. Allah eləməsin, hər hansı bədbəxt hadisə baş versə, zərərçəkənə ilkin yardım göstərmək mümkün olsun", - deyə sərnişin narahatçılığını ifadə edib.
Vətəndaşlar aidiyyəti qurumlardan məsələni araşdırmağı və avtobuslarda ilk tibbi yardım çantalarının tam şəkildə təmin edilməsini xahiş edirlər.
