Sumqayıtda avtomobil 2 yaşlı körpəni vuraraq öldürüb. Bu haqda 24 aprel tarixində Sumqayıt24 Report.az-a istinadən xəbər verir.
Hadisə şəhərin “Beton zavod" adlanan ərazisində qeydə alınıb. Sumqayıt sakini, 53 yaşlı Sübhi Nabatalıyev idarə etdiyi “BMW” markalı avtomobillə məhəlləarası küçədə arxaya doğru hərəkət edərkən ehtiyatsızlıqdan 2 yaşlı X.Zamanovanı vurub. Nəticədə körpə aldığı xəsarətlərdən hadisə yerində ölüb.
Faktla bağlı “Yol hərəkəti və nəqliyyat vasitələrinin istismarı qaydalarını pozma” maddəsi ilə cinayət işi başlanıb. İbtidai istintaq aparılır.
