Sumqayıtda direktorların işə qəbul müsabiqəsinin test imtahanı keçirilib. Sumqayıt24 bu haqda 6 iyul tarixində Abşeron-Xızı Regional Təhsil İdarəsinə istinadən xəbər verir.
İ. Qayıbov adına 1 nömrəli məktəbdə keçirilən imtahan şagird sayı 500-dən çox olan ümumi təhsil müəssisələrinə direktorların işə qəbulu üzrə olub. İmtahanda iştirakı nəzərdə tutulan 277 nəfərdən 220 nəfər namizəd iştirak edib.
Namizədlərə pedaqogika və metodika üzrə 20 sual, tənqidi oxu bacarığı, təhsil və idarəetmə ilə bağlı qanunvericilik, liderlik və menecment, riyazi məntiq üzrə hər birinə aid 10 sual olmaqla ümumilikdə 60 test tapşırığı təqdim edilib.
