Sumqayıtda aktyor Vüsal Murtuzəliyev ilə görüş keçiriləcək.
Sumqayit24.az xəbər verir ki, Sumqayıt Poeziya Evində Sumqayıt Gənclər Evinin təşəbbüsü, Abşeron-Xızı Regional Gənclər və İdman İdarəsi və Cosmo Art Agency-nin birgə təşkilatçılığı ilə 3 iyul 2026-cı il tarixində aktyor Vüsal Murtuzəliyev ilə görüş təşkil ediləcək.
"Dublyaj və səs sənəti" mövzusunda baş tutacaq görüşdə iştirakçılar səs aktyorluğu, dublyaj prosesinin əsas mərhələləri, obrazların səsləndirilməsi və aktyorluq sənətinin bu istiqaməti ilə bağlı məlumatlar əldə edəcəklər.
Tədbirin məqsədi gənclərin yaradıcılıq sahələrinə marağının artırılması, onların yeni peşə istiqamətləri ilə tanış edilməsi və sahə üzrə təcrübə mübadiləsinin təmin olunmasıdır.
Tarix: 03 iyul 2026-cı il
Saat: 15:00
Məkan: Sumqayıt Poeziya Evi
