Fövqəladə Hallar Nazirliyi (FHN) maarifləndirmə aparıb. Sumqayıt24 bu haqda 8 aprel tarixində xəbər verir.
Dövlət Yanğın Nəzarəti, Kiçikhəcmli Gəmilərə Nəzarət və Sularda Xilasetmə Dövlət xidmətləri mütəxəssislərinin də iştirakı ilə qurumun Sumqayıt Regional Mərkəzi Xidmət Sahələri üzrə Sumqayıt Dövlət Peşə Təhsil Mərkəzi və Abşeron–Ceyranbatan peşə liseyi üçün tədbir keçirib.
Burada fövqəladə halların təsnifatı, ölkəmiz üçün xarakterik fövqəladə hallar, o cümlədən yanğınların başvermə səbəbləri və zəruri davranış qaydalarından danışılıb. Həmçinin “112” qaynar telefon xəttinin təyinatı izah olunub, ilkin yanğınsöndürmə vasitələrindən istifadə qaydaları əyani şəkildə göstərilib.
Sonda suallar cavablandırılıb.
