Sumqayıt Tibb Mərkəzinin (STM) tabeliyində olan ailə sağlamlıq mərkəzlərində patronaj xidməti mütəmadi olaraq həyata keçirilir.
Sumqayit24.az xəbər verir ki, səhiyyə müəssisələrinin həkim-pediatrları, həkim-mama-ginekoloqları, sahə tibb bacıları hamilə qadınlara, zahılara və 3 yaşa qədər uşaqlara ev ziyarətləri ediblər.
Patronaj xidməti çərçivəsində ailələrə tibbi məsləhətlər verilib, ana və uşaqların sağlamlıq vəziyyəti qiymətləndirilib, ehtiyac olduqda müvafiq tibbi xidmətlərə yönləndirilib.
