Sumqayıtda kütləvi şəkildə dezinfeksiya, dezinseksiya və deratizasiya işləri həyata keçirilir. Sumqayıt24 bu haqda 7 iyun tarixində DünyaTV-yə istinadən xəbər verir.
İşlər Gigiyena və Epidemiologiya Mərkəzi tərəfindən hazırlanan qrafik əsasında bütün çox mərtəbəli binalarda, park və xiyabanlarda, iaşə obyektlərində aparılır.
Qeyd edək ki, havanın temperaturu yüksəldikcə ziyanverici həşəratlar və gəmiricilər sürətlə çoxalır. Bu isə sakinlərin rahatsızlığına, eyni zamanda bir sıra xəstəliklərin yaranmasına zəmin yaradır.
