Sumqayıtda fərdi sahibkarlıqla məşğul olan qadınların sayı 10 mini ötüb. Şəhərdə bu sahədə fəaliyyət göstərənlərin böyük əksəriyyətini isə kişilər təşkil edir.
Sumqayit24.az Dövlət Statistika Komitəsinə istinadən xəbər verir ki, 2026-cı il yanvarın 1-nə olan məlumata əsasən, Sumqayıt şəhərində ümumilikdə 41.785 fərdi sahibkar qeydə alınıb. Onlardan 31.651-i kişi, 10.134-ü isə qadındır.
Beləliklə, şəhərdə fərdi sahibkarların təxminən hər dörd nəfərindən biri qadındır. Başqa sözlə, Sumqayıtda hər 100 fərdi sahibkarın 24-ü qadın, 76-sı isə kişidir.
Statistikada diqqət çəkən digər məqam isə Sumqayıtın Abşeron-Xızı iqtisadi rayonundakı payıdır. Belə ki, iqtisadi rayon üzrə 76.379 fərdi sahibkar qeydə alınıb. Onların yarıdan çoxu Sumqayıt şəhərinin payına düşür.
Qeyd edək ki, Abşeron-Xızı iqtisadi rayonuna Sumqayıt şəhəri, Abşeron və Xızı rayonları daxildir.
