Sumqayıt Şəhidlər Xiyabanında "8 Noyabr - Zəfər Günü"nə həsr olunmuş "Zəfərdən Qayıdışa" adlı rəsm sərgisi təşkil edilib.
Sumqayit24.az xəbər verir ki, bu barədə Abşeron-Xızı Regional Gənclər və İdman İdarəsi məlumat yayıb.
Tədbir çərçivəsində iştirakçılar əvvəlcə Sumqayıt Şəhidlər Xiyabanını ziyarət edərək Vətənimizin azadlığı və ərazi bütövlüyü uğrunda canlarından keçmiş şəhidlərin əziz xatirəsini ehtiramla yad ediblər.
Qeyd olunub ki, məqsəd 44 günlük Vətən müharibəsində qazanılmış Zəfərin təbliği, gənclərin yaradıcılıq potensialının üzə çıxarılması, qəhrəmanlıq tariximizin və milli-mənəvi dəyərlərimizin gənc nəsil arasında tanıdılması, eləcə də istedadlı gənclərin yaradıcılıq fəaliyyətinin dəstəklənməsidir.
