Sumqayıt şəhərində ailə-kəndli və fermer təsərrüfatlarında iribuynuzlu heyvanlar identikləşdirilib. Bu haqda bu gün, 27 dekabr tarxində Azərbaycan Respublikası Qida Təhlükəsizliyi Agentliyi (AQTA) məlumat yayıb.
Məlumata əsasən, 15-27 dekabr tarixlərində keçirilən identikləşdirilmə prosesidə 5412 heyvan haqqında məlumatlar elektron sistemə daxil edilib. Həmçinin, təsərrüfatlar da bu sistemə əlavə edilib.
Heyvanların identifikasiyası və qeydiyyat sistemi (HİQS) heyvanların məruz qaldığı xəstəlikləri, profilaktik və müalicə tədbirləri, tətbiq edilən preparatları, eləcə də sahibləri və digər individual göstəriciləri barədə məlumatların unikal identifikasiya kodudur.
İdentifikasiyanın ilk mərhələsi pilot layihə olaraq Bakı və Sumqayıt şəhərlərində, həmçinin Abşeron rayonunda keçirilir. 2022-ci ildən etibarən isə bu prosesin mərhələli şəkildə bütün ölkə üzrə tətbiq olunması nəzərdə tutulur.
