Sumqayıtda kanal üzərində olan körpü çöküb. İki nəfər kanala yıxılıb. Sumqayıt24-ə bu barədə 23 yanvar tarixində məlumat verilib.
Hadisə bir neçə gün öncə baş verib. Sözügedən körpü Yaşıldərə ilə Ceyranbatan qəsəbəsini birləşdirir. Çökmə zamanı onun üzərindən keçən 26 yaşlı kişi və 7 yaşlı uşaq suya düşüblər. Həmin an kanalda suyun az olması onları həyatda saxlayıb.
Yerli sakinlərin sözlərinə görə, körpüdən gündə 100-lərlə insan, həmçinin məktəbə gedən şagirdlər istifadə edirdi. Hazırda isə onlar çətinliklə üzləşiblər.
