Bakı-Quba yolu, Hacı Zeynalabdin qəsəbəsindən Sumqayıt şəhərinə gedən yolda yerləşən "Sumqayıtçay" körpüsündə təhlükəli vəziyyət yaranıb.
Sumqayit24.az-a müraciət edən sürücünün sözlərinə görə, son vaxtlar yağan intensiv yağışlardan sonra asfalt örtüyü dalğavari forma alıb.
Şikayətçi bildirib ki, həmin hissədən keçən avtomobillər yolun deformasiyası səbəbindən silkələnir və idarəetməni saxlamaq çətinləşir:
"Avtomobillər bu hissədən keçərkən sanki havaya qalxır. Təcrübəsiz sürücülər idarəetməni itirərək qəza törədə bilərlər. Sizə göndərdiyimiz videogörüntülərdən birində də həmin ərazidə baş vermiş yol-nəqliyyat hadisəsi əks olunub".
Sürücü aidiyyəti qurumlardan gec olmadan körpüdə yaranan problemin araşdırılmasını və yolun təhlükəsiz vəziyyətə gətirilməsi üçün zəruri tədbirlərin görülməsini xahiş edib.
