Sumqayıtda lyukun ətarfındakı vəziyyət bəzi sakinləri narahat edib.
Sumqayit24.az- a daxil olan məlumata görə, 21-ci mikrorayonun Dadaş Dadaşov küçəsində lyukların ərafında bir neçə deşik yaranıb.
Fotodan da aydın olur ki, deşiklər kiçik olsa da, zamanla aşınaraq böyüyə və sonra çökə bilər. Buradan nəqliyyat vasitələrinin müntəzəm hərəkətini nəzərə alsaq, qəza riski artdığını söyləmək olar.
Sakinlərin məlumatına əsasən bu ərazinin yaxınlığında məktəb də var, bir sözlə işlək yoldur.
Vətəndaşlar aidiyyəti qurumlardan əraziyə baxış keçirilməsini və yarana biləcək təhlükənin aradan qaldırılmasını tələb edirlər.
