2025-ci ilin yanvar–iyun aylarında Sumqayıtda 2 milyard 616 milyon manatlıq ümumi məhsul istehsal edilib və xidmətlər göstərilib. Bu, ötən ilin eyni dövrü ilə müqayisədə 9,6 faiz çoxdur.
APA-nın məlumatına görə, dövr ərzində ümumi məhsul buraxılışının 85,1 faizi istehsal sahələrinin, 14,9 faizi isə xidmət sahələrinin payına düşüb.
İlkin göstəricilərə əsasən, sənaye məhsulu və sənaye xidmətlərinin həcmi 2 milyard 103 milyon manat təşkil edib ki, bu da 2024-cü ilin müvafiq dövrünə nisbətən 10,5 faiz çoxdur.
Hesabat dövründə şəhərin iqtisadi və sosial sahələrinin inkişafı üçün bütün maliyyə mənbələrindən əsas kapitala 150 milyon manat vəsait yönəldilib.
Yanvar–iyun aylarında pərakəndə ticarət şəbəkələrindən əhaliyə 963 milyon manatlıq məhsul satılıb, xidmət sahələri tərəfindən isə 251 milyon manatlıq ödənişli xidmət göstərilib.
2024-cü ilin eyni dövrü ilə müqayisədə pərakəndə ticarət dövriyyəsi müqayisəli qiymətlərlə 9,1 faiz, ödənişli xidmətlərdən əldə olunan gəlir isə 9,5 faiz artıb.
