Sumqayıt şəhəri, Hacı Zeynalabdin Tağıyev qəsəbəsində yanğın olub.
Sumqayit24.az xəbər verir ki, əraziyə Fövqəladə Hallar Nazirliyinin əməkdaşları cəlb olunublar.
Onların çevik müdaxiləsi sayəsində beşmərtəbəli yaşayış binasının üçüncü mərtəbəsində yerləşən mənzildə baş verən yanğın genişlənməsinə, o cümlədən digər mənzillərə keçməsinə imkan verilmədən söndürülüb.
Hadisə nəticəsində ümumi sahəsi 55 kv.m. olan ikiotaqlı mənzilin bir otağının və eyvanın yanar konstruksiyaları 22 kv.m sahədə yanıb. Mənzilin böyük hissəsi və digər mənzillər mühafizə olunub.
