Sumqayıt şəhəri, 3-cü məhəllədə pəncərədən yıxılan yeniyetmə qızın son vəziyyəti açıqlanıb.
Sumqayıt Tibb Mərkəzindən (STM) Sumqayit24.az-ın sorğusuna cavab olaraq bildirilib ki, 1 aprel tarixində Təcili Tibbi Yardım Xəstəxanasına 2010-cu il təvəllüdlü şəxs (qadın cinsli) hospitalizasiya olunub.
Ağır kəllə-beyin travması, baş-beynin əzilməsi, ikitərəfli pnevmotoraks və dalağın cırılması diaqnozları təyin olunan pasiyent üzərində splenektomiya (dalağın götürülməsi) əməliyyatı icra olunub.
Hazırda onun müalicəsi Reanimasiya şöbəsində davam etdirilir, vəziyyəti kritik ağır qiymətləndirilir.
