Sumqayıtda piyadaların yol hərəkəti qaydalarına əməl etməməsi artıq gündəlik mənzərəyə çevrilib. Vətəndaşlar keyfiyyətli səki mövcud olduğu halda, yolun avtomobillər üçün nəzərdə tutulan hissəsində hərəkət etməyə davam edirlər.
Sumqayit24.az xəbər verir ki, şəhərin Sülh prospektində vətəndaşlar “zebra” piyada keçidi olmasına baxmayaraq, yolu istənilən yerdən keçirlər. Bu məsuliyyətsiz davranış nəticəsində şəhərin ən böyük küçəsində bununla bağlı müxtəlif qəza hadisələri və piyada ölümləri olub.
Xatırladaq ki, 2 il əvvəl axşam saatlarında, Sülh prospektində içkili vəziyyətdə olan vətəndaş, yolu piyada keçidindən yox, başqa yerdən keçməyi cəhd edib. Nəticədə piyada avtomobil qəzası nəticəsində dünyasını dəyişmişdi.
Bu gün sosial şəbəkələrdə yayılan videolardan da görünür ki, piyadaların artıq “zebra”lardan istifadəsi üçün prospektin ətrafına dəmir maneələr quraşdırılıb.
Ümid edirik ki, tətbiq edilən cərimələr və həyata keçirilən digər tədbirlər nəticəsində piyadaların yalnız onlara aid hissələrdə hərəkət etmələrinə gətirib çıxaracaq. Belə olduğu halda, həm vətəndaşların, həm də sürücülərin təhlükəsizliyi təmin ediləcək.
View this post on Instagram
