Sumqayıt şəhəri, Heydər Əliyev prospektində qazıntı işlərindən sonra yolun asfalt örtüyü uzun müddətdir bərpa olunmayıb.
Sumqayit24.az-a daxil olan şikayətdə bildirilib ki, 4-cü və 18-ci məhəllələr arasında, "Fəxri market"in qarşısında olan qazılmış hissənin açıq vəziyyətdə qalması avtomobillərin hərəkətini çətinləşdirir, eyni zamanda piyadalar üçün də təhlükə yaradır.
Bildirilib ki, ərazidə hər gün intensiv hərəkət müşahidə olunur və asfalt örtüyünün bərpa edilməməsi həm sürücülərin, həm də sakinlərin narazılığına səbəb olur.
Sakinlər aidiyyəti qurumlardan asfalt örtüyünün qısa müddətdə bərpa edilməsini tələb edirlər.
Xatırladaq ki, şəhərin 8-ci və 17-ci mikrorayonunda da yol qazıntı işlərindən sonra bərpa işləri aparılmayıb.
