Sumqayıtda qanunsuz ağac kəsimi faktları aşkarlanıb. Bu haqda 24 may tarixində Sumqayıt24 Ekologiya və Təbii Sərvətlər Nazirliyinə istinadən xəbər verir.
Araşdırma zamanı ağacların şəhərin Koroğlu prospekti, 182 ünvanında Nuşirəvan Ağalarov, Koroğlu prospekti, 178 ünvanında isə Əhliman Zeynalov tərəfindən kəsildiyi məlum olub.
Faktlarla bağlı akt tərtib edilib, hər iki fakt üzrə yaşıllıqlara dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış materiallar hüquq-mühafizə orqanlarına göndərilməsi üçün hazırlanır.
