Sumqayıt şəhərində müəllimlər üçün növbəti təlim keçirilib.
Sumqayit24.az xəbər verir ki, 11 nömrəli məktəbdə baş tutan təlim 9-cu siniflərdə buraxılış fənləri (Azərbaycan dili, Riyaziyyat, İngilis dili) üzrə tədris aparan müəllimlər üçün təşkil olunub.
Tədbir zamanı iştirakçılar fənnə aid mövzular üzrə müzakirələr apararaq tədris prosesində qarşılaşdıqları çətinlikləri və problemləri müzakirə ediblər. Eyni zamanda, şagirdlərin tədrisində daha yaxşı nəticələr əldə etmək üçün müxtəlif metodik tövsiyələr və yeni tədris üsulları təqdim olunub. Müəllimlərə şagirdlərin biliyini artırmağa, dərs prosesini daha maraqlı və effektiv keçirməyə yönəlik müxtəlif tədris metodları və strategiyalar barədə məlumat verilib.
