Sumqayıtda 10-cu mikrorayonda yaşayış binasındakı baxımsızlıq sakinləri narahat edib.
Sumqayit24.az-a daxil olan məlumata görə, bina 59 blok 3-də pilləkənlər yararsız vəziyyətdədir.
Görüntülərdən də aydın olur ki, pilləkənlərin bir hissəsi aralanıb.
Şikayətçilərin sözlərinə əsasən, təmir məqsədilə gələn şəxslər pilləkənləri yarıya qədər söküblər.
Sonra isə qum tökərək gediblər. Sakinlərin iradına isə cavab olaraq deyiblər ki, qumun preslənməsini gözləyirlər. Amma artıq bir həftədən çox vaxt keçib. Təmir işləri isə hələ də yarımçıq qalıb.
“Fikirləşən yoxdur ki, bu pilləkən gediş-gəlişdə problem yaradır, uşaqların da pilləkəndən istifadə etdiyini nəzərə alsaq, bura ikiqat təhlükəli olur”,- deyə sakinlərdən biri narahatlığını ifadə edib.
Vətəndaşlar aidiyyəti qurumlardan işlərinə məsuliyyətlə yanaşmağı, bir sözlə problemin həll edilməsini tələb edirlər.
