Sumqayıtın dəniz sahillərində aidiyyəti qurumların təşkil etdiyi iməcilik bəzi vətəndaşlarda narazılıq yaradıb.
Sumqayit24.az- a daxil olan məlumata görə, dünən dəniz sahilini təmizləyən sözügedən qurumlar yox, başqa şəxslər olub.
Vətəndaşların sözlərinə əsasən, qurumun əməkdaşları təmiz olan yeri “təmizləyiblər”.
“Burada biz vətəndaşlar könüllü olaraq və yaşlı bir kişi tez-tez ərazini zir-zibildən təmizləyirik.
Elə yaşlı kişi ərazini təmizlədikdən sonra onlar bura gəldilər. Qurumun əməkdaşları da təmiz olan ərazidə əllərinə paket alaraq, şəkil çəkdirirdilər. Buranı özləri təmizləyirmiş kimi qələmə verirdilər”, - deyə şikayətçilərdən biri bildirib.
Vətəndaşlar qeyd ediblər ki, adıçəkilən qurumlar hər mövsüm belə iməcilik işləri aparırlar.
“Əlbəttə, torpağı eşsən, bir butulka qapağı çıxar. Sadəcə bu qədər adamın bura yığışmağı bizə absurd gəlir”.
View this post on Instagram
