Sumqayıtda daha bir ərazidə antisanitar vəziyyət yaranıb.
Sumqayit24.az- a daxil olan məlumata görə, 41-ci məhəllədə, “Sevgilim” şadlıq sarayının arxasında zibillər tullantı qutularına yox kənara atılır.
Fotodan da aydındır ki, zibil qutularının içi boş, ətraf isə yaman gündədir.
“Ərazidən keçmək qeyri-mümkündür, üfunət qoxusundan nəfəs almaq olmur”, - deyə vətəndaşlardan biri bildirib.
Şikayətçilər bu vəziyyəti yaradan vətəndaşlardan xahiş edirlər ki, məişət tullantılarını zibil qutularına atsınlar.
Aidiyyəti qurumlardan isə belə vəziyyətin qarşısını almaq üçün tədbir görülməsini tələb edirlər.
