Heydər Əliyev Mərkəzində “Ulu Öndərin izi ilə...” adlı dəyirmi masa keçirilib. Sumqayıt24 bu haqda 3 mart tarixində xəbər verir.
Tədbir “Hədəf 10%” proqramı çərçivəsində Sumqayıt Dövlət Universiteti Tələbə Gənclər Təşkilatının (SDU TGT) və Sumqayıt Gənclərin İnkişaf və Karyera Mərkəzinin (GİKM) təşkilatçılığı ilə Heydər Əliyevin 100 illik yubileyi münasibətilə təşkil olunub.
TGT-nin sədri Elmin Novruzlu ulu öndər Heydər Əliyevin tariximizdəki misilsiz xidmətlərindən, elm, təhsil və mədəniyyətin inkişafına olan xüsusi qayğısından danışıb.
Daha sonra isə TGT Kitab klubunun sədri Ayşə Əmrahova Heydər Əliyevin ədəbiyyatımıza böyük diqqətindən söz açıb. M.P. Vaqif, X. Natəvan və s. şəxsiyyətlərin məqbərələrinin açılması, ulu öndərin şair və yazıçılarla görüşündən bəhs edilib. Ardınca isə şifahi xalq ədəbiyyatı dahilərinin kitabları müzakirə olunub.
