Sumqayıtın Tarixi Muzeyində “Ürəklərdə əbədi yurd salan insan” adlı ədəbi-bədii gecə keçirilib. Sumqayıt24 bu haqda 11 may tarixində xəbər verir.
Tədbir Yeni Azərbaycan Partiyası (YAP) Sumqayıt şəhər təşkilatının dəstəyi ilə
C. Cabbarlı adına Mədəniyyət Evinin kollektivi tərəfindən təşkil olunub. Qonaqlar foyedə Mədəniyyət Evinin rəsm kursu tələbələrinin ulu öndər Heydər Əliyevə həsr olunmuş və vətənpərvərlik mövzularındakı əsərlərinə baxıblar.
Giriş nitqi ilə çıxış edən Mədəniyyət Evinin direktoru Səadət Nəcəfova ulu öndərin mədəniyyətə, musiqiyə, rəssamlığa göstərdiyi xüsusi qayğıdan danışıb. Daha sonra “Böyük ömürdən mədəniyyətimizə düşən qayğı payı” adlı videoçarx izlənilib.
YAP Sumqayıt şəhər təşkilatının sədr müavini, dosent Cavid Məmiyev isə Azərbaycanın Heydər Əliyevin rəhbərliyi altında keçdiyi inkişaf yolundan, Prezident İlham Əliyevin də bu yolu müvəffəqiyyətlə davam etdirməsindən söz açıb.
Gecə Mədəniyyət Evinin bədii qiraət üzvlərinin şeirləri və “Turan” milli rəqs qrupunun çıxışları ilə sonlandırılıb.
