Sumqayıtda yağışın fəsadları davam edir.
Sumqayit24.az- a daxil olan məlumata görə, Kotec qəsəbəsində yollar bərbad gündədir.
Sakinlər bildirirlər ki, hər yağışdan sonra buranın vəziyyəti belə olur. Bundan əlavə, kanalizasiya suları da sözügedən ərazidə tez-tez gölməçə yaradır.
“Belə yerdə hərəkət etmək qeyri-mümkündür. Digər yoldan da maşınlar istifadə etdiyi üçün əlacsızlıqdan bu gölməçəli yerdən keçməli oluruq”,- deyə sakinlərdən biri bildirib.
Vətəndaşlar aidiyyəti qurumlardan əraziyə baxış keçirilməsini və yolun asfaltlanmasını tələb edirlər.
