Sumqayıtda yanğın qeydə alınıb.
Sumqayit24.az xəbər verir ki, hadisə 2-ci mikrorayonda yerləşən beşmərtəbəli yaşayış binasında baş verib. Belə ki, 2-ci mərtəbənin pillləkən qəfəsində quraşdırılan elektrik lövhəsində 8 ədəd sayğac, 10 ədəd qoruyucu açar və 4 paq.m kabel yanıb.
Yüksək temperaturdan 2 paq.m plastikdən ibarət su borusu və internet kabeli əriyib. Mənzillər yanğından mühafizə olunub. Yanğın Fövqəladə Hallar Nazirliyinin (FHN) əməkdaşları tərəfindən söndürülüb.
Redaksiyamıza müraciət edən vətəndaşlar bildiriblər ki, yanğından öncə elektrik lövhəsində qısaqapanmalar və partlayış səsləri eşidilib.
