Sumqayıtda məskunlaşan ailə Zəngilanın ilk sakinlərindən biri olacaq. Sumqayıt24 bu haqda 18 iyun tarixində XəzərTV-yə istinadən xəbər verir.
Məlumata əsasən, püşkatma nəticəsində Ağalı kəndinə köçəcək 41 ailə müəyyənləşib. Onların arasında Paşayevlər ailəsi də yer alıb. Onlar doğma diyarına qayıdacaqları günü səbrsizliklə gözləyir.
Hazırda “gənclik şəhərində” yaşayan Vəliyəddin Paşayev doğulub boya-başa çatdığı kəndin yenidən qurulması zamanı burada sürücü kimi çalışıb.
Qaçqınların və Məcburi Köçkünlərin İşləri üzrə Dövlət Komitəsinin sədr müavini Fuad Hüseynov xarici mətbuata verdiyi müsahibədə bildirib ki, azad edilmiş ərazilərdə daimi məskunlaşacaq vətəndaşlarımızın ilk köçü yaxın günlərdə baş tutacaq.
