Sumqayıtda atmosferə atılan zərərli maddələrin həcmi azalıb.
Sumqayit24.az Dövlət Statistika Komitəsinə istinadən xəbər verir ki, 2024-cü ildə Stasionar mənbələrdən atılan zərərli tullantıların həcmi sənaye mərkəzlərindən olan Bakı şəhərində 14,4 min ton, Sumqayıt şəhərində 0,3 min ton, Mingəçevir şəhərində isə 0,2 min ton düşüb.
Stasionar mənbələrdə yaranan zərərli maddələrin 74,4% təmizləyici qurğular vasitəsilə zərərsizləşdirilib. Atmosferə atılan zərərli maddələrin miqdarının azaldılması üçün sənaye müəssisələrində texnoloji proseslərin təkmilləşdirilməsi və mövcud təmizləyici qurğuların səmərəliliyinin artırılması nəticəsində hava hövzəsinə il ərzində 11,7 min ton zərərli maddələrin atılmasının qarşısı alınıb. Bütün mənbələrdən atmosferə atılmış zərərli tullantıların 62,1%-ni karbon oksidi, 19,8%-ni karbohidrogenlər, 14,2%-ni azot oksidi, 0,1%-ni kükürd anhidridi, qalan hissəsini isə digər çirkləndirici maddələr təşkil edib.
