Sumqayıtda məişət tullantıları ilə bağlı şikayətlər tükənmir.
Sumqayit24.az-a müraciət edən sakinlərin iddiasına görə, Hacı Zeynalabdin qəsəbəsi, Xəzri yaşayış massivinin girişində 10 gündür antisanitar vəziyyət hökm sürür.
Redaksiyamıza təqdim edilən fotolarda ərazinin məişət tullantıları ilə əhatə olunduğu görünür.
Şikayətçilərin sözlərinə əsasən, ərazidə yaranan bu vəziyyət onların gündəlik yaşayışını çətinləşdirir, ətraf mühit üçün təhlükə yaradır.
Sakinlər aidiyyəti qurumlardan ərazinin təmizlənməsini və tullantıların vaxtında daşınmasını tələb edirlər.
Qeyd edək ki, redaksiyamız tez-tez şəhərin müxtəlif ərazilərində antisanitar vəziyyətlə bağlı şikayətlər işıqlandırır.
