Sumqayıt sakinləri bədbəxt hadisələrin baş verdiyi yol ilə bağlı əncam çəkilməsini istəyir. Sumqayıt24 bu haqda 28 may tarixində xəbər verir.
Söhbət Heydər Əliyev prospekti və Ağa Quliyev küçələrinin kəsişməsindəki yoldan gedir. Sakinlərin sözlərinə görə, il ərzində burada ən az 2 qəza olur. Hadisələr əsasən günün qaranlıq saatlarında qeydə alınır. Belə ki, uzaqdan sürətlə gələn sürücülər əyləci sıxmağa çatdırmır. Nəticədə avtomobillər, insanların istirahət etidiyi “Kimyaçı” Mədəniyyət Sarayının önündəki meydana çıxırlar.
“Bura qəzaların tez-tez baş verdiyi nöqtədir. Səbəbini bilmirik. Xəbərdaredici yol nişanları olsa da, sürücülər onu son anda görə bilir. Bənzər hadisə bir neçə gün öncə də baş verib. Maşından yerə axan yağ hələ də qurumayıb. Bununla bağlı tədbirin görülməsini istərdik”, - deyə vətəndaşlar qeyd edib.
Xatırladaq ki, oktyabr ayında sərxoş sürücü buradan keçən qadını vurmuşdur.
