Sumqayıt şəhər Təbiət Elmləri Təmayüllü Gimnaziyanın məzunları Respublika Fənn Olimpiadalarında əldə etdikləri yüksək nailiyyətlərinə görə Dövlət İmtahan Mərkəzinin imtahanlarında iştirak etmədən birbaşa ali təhsil müəssisələrinə qəbul olunublar.
Sumqayit24.az xəbər verir ki, gimnaziyanın məzunları həm respublika, həm də beynəlxalq səviyyəli olimpiadalarda böyük uğurlar qazanıblar.
Sözügedən uğurları və məzunları qəbul olduqları ali təhsil müəssisələrini təqdim edirik.
• Tarverdili Davud - Respublika Fənn Olimpiadalarında 4 qızıl medal (2023–2026), Balkan Riyaziyyat Olimpiadasında bürünc medal, Yeniyetmələrin Balkan Olimpiadasında 2 gümüş medal, Jautikov Olimpiadasında bürünc medal, Əl-Xarəzmi Olimpiadalarında qızıl və bürünc medallar, APMO-da həvəsləndirici mükafat, İMO-da həvəsləndirici mükafat, EMC-də 2-ci dərəcəli diplom - (ADA Universiteti)
• İlham Əliyev - biologiya üzrə Respublika Fənn Müsabiqəsində qızıl, gümüş və bürünc medallar, Avicenna Biologiya Olimpiadasında bürünc medal - (Bakı Dövlət Universiteti)
• Hüseyn Tağızadə - biologiya üzrə Respublika Fənn Olimpiadalarında qızıl, gümüş və bürünc medallar, Respublika Fənn Müsabiqəsindən gümüş medal, Avicenna Biologiya Olimpiadasında gümüş medal - (Bakı Dövlət Universiteti)
• Haqverdi İlyas - riyaziyyat və fizika üzrə RFM-də gümüş medallar, informatika üzrə RFO-da gümüş və bürünc medallar, "Azercell Cup" proqramlaşdırma müsabiqəsində bürünc medal - (Bakı Ali Neft Məktəb)
• Cabbarlı Nurlan - informatika üzrə RFM qızıl medal, fizika üzrə RFM bürünc medal, informatika üzrə RFO-da ardıcıl bürünc medallar- (ADA Universiteti)
• Rəhimli Adəm - riyaziyyat və kimya üzrə RFM və RFO-da qızıl, gümüş və bürünc medallar, "Heydər Əliyev 100" kimya olimpiadasında qızıl medal, beynəlxalq seçim mərhələlərində finala qədər yüksəliş- (Bakı Ali Neft Məktəb)
• Ağayev Bəxtiyar - RFO-da 4 il ardıcıl I yer, EuPhO 2026-da bürünc medal, IPhO 2026-da gümüş medal, APhO-da həvəsləndirici yer, astronomiya olimpiadalarında qızıl və gümüş medallar, Yeniyetmələrin Beynəlxalq Elm Olimpiadasında bürünc medal - (University College London)
•Əli Süleymanzadə - 2025-2026 RFO informatika gümüş medal, informatika üzrə RFM gümüş medal, R.M.90 qızıl medal, IOSTREAM CUP bürünc + gümüş medal (ADA Universiteti)
