Sumqayıtın H.Z. Tağıyev qəsəbəsində yaranmış bankomat problemi ilə bağlı İcra Hakimiyyətindən açıqlama verildi. Bu haqda xeberle.com-a istinadən xəbər veririk.
Sakinlərin sözlərinə görə, qəsəbə ərazisində yalnız 2 bankomat var, hər 2-si də marketlərdən birinin qarşısında yerləşir. Bu səbəbdən, qəsəbənin hər bir yanından, vətəndaşlar pulunu çəkmək üçün buraya gəlməli olurlar. Nəticədə, bankomatların önündə uzun sıra yaranır.
Qəsəbə üzrə nümayəndə Lalə Hacıyeva açıqlamasında sakinlərin narazılığına bəraət qazandırıb: “Mən təqaüdlərin ödənilən vaxtlarında həmin bankomatın qarşısında yaranan növbəni görüb şəhər rəhbərliyinə bu haqda müraciət ünvanlamışdım. Müraciətə baxılıb, yeni bankomatların quraşdırılacağı bildirilmişdir”.
Pandemiya səbəbindən bu məsələnin həlli ləngidi. Lakin şəhər rəhbərliyinə sakinlər adından yenidən müraciət ünvanlanacaq və bu problem tezliklə öz həllini tapacaq.
