Bu gün sumqayıtlı şəhidlərin doğum günüdür.
Bayramov Səlimxan Vüqar oğlu 13 iyul 1998-ci il tarixində Sumqayıt şəhərində dünyaya göz açıb. Subay idi.
2020-ci il sentyabrın 27-də başlanan Vətən müharibəsində iştirak edib. Füzuli, Cəbrayıl, Xocavənd rayonlarında gedən döyüşlərdə savaşıb. 2 nəfər döyüş yoldaşı ilə erməni postunu tutaraq öz doğma şəhəri Sumqayıtın adını verib.
19 oktyabr 2020-ci il tarixində Xocavənd rayonu uğrunda gedən döyüşlərdə şəhidlik zirvəsinə ucalıb. Sumqayıt şəhər Şəhidlər xiyabanında dəfn olunub.
Azərbaycan Respublikasının Prezidenti İlham Əliyevin Sərəncamlarına əsasən, "Füzulinin azad olunması görə", "Cəbrayılın azad olunmasına görə", "Xocavəndin" azad olunmasına görə" "Vətən uğrunda" medalları ilə təltif olunub.
***
Mirməhəmmədəli Rzazadə 13 iyul 1997-ci ildə Sumqayıt şəhərində anadan olub. Əslən Lənkəran rayonunun Şiləvar kəndindəndir. Subay idi.
Azərbaycan Ordusunun əsgəri olan Mirməhəmmədəli Rzazadə 2020-ci il sentyabrın 27-də başlanan Vətən müharibəsində könüllü olaraq iştirak edib. Cəbrayılın azadlığı uğrunda gedən döyüşlərdə vuruşub. 15 oktyabr 2020-ci ildə Cəbrayıl rayonu istiqamətində döyüş tapşırığının yerinə yetirilməsi zamanı şəhid olub.
Azərbaycan Respublikasının Prezidenti İlham Əliyevin Sərəncamlarına əsasən, Mirməhəmmədəli Rzazadə ölümündən sonra "Vətən uğrunda", "Cəbrayılın azad olunmasına görə", "Qubadlının azad olunmasına görə", "Cəsur döyüşçü" medalları ilə təltif olunub.
